RGPD · PRIVACIDADE

Privacidade

Quen trata os teus datos

El Castro Bar (José Curiel), Paseo de Alfonso XII, 2, Vigo · 616 922 289.

Que datos e para que

Cando reservas mesa ou fas un pedido para levar dásnos o teu nome, o teu teléfono e, se queres, un comentario. Usámolos só para xestionar esa reserva ou ese pedido e para chamarte ou escribirche por WhatsApp sobre el. Non os usamos para publicidade nin os vendemos.

Por que podemos usalos

Porque nolo pides ti (unha reserva ou un pedido: artigo 6.1.b do RXPD) e porque o aceptas ao enviar o formulario (artigo 6.1.a).

Canto tempo

Gardámolos 12 meses. Pasado ese tempo bórranse sós o nome, o teléfono e o comentario; só queda a conta (día, hora, número de persoas).

Quen máis os ve

Ninguén fóra do bar. A web está nun servidor da Unión Europea (Hetzner, Alemaña). Para que o bar se entere ao momento, cada reserva ou pedido novo avísase por Telegram ao móbil do bar; Telegram pode tratar datos fóra da UE.

Os teus dereitos

Podes pedir ver, corrixir ou borrar os teus datos, opoñerte ou limitar o seu uso, chamando ao 616 922 289 ou no propio bar. Se cres que non os tratamos ben, podes reclamar ante a Axencia Española de Protección de Datos (www.aepd.es).

Cookies

Só usamos cookies técnicas: a lingua que escolles, unha cookie de seguridade para os formularios e, no panel do bar, a sesión. Non hai analítica, publicidade nin cookies de terceiros.